الضياع هو إن الإنسان يبقى مش عارف هو عايز إيه بالظبط أهدافه مش محددة والى
بيخليه حاسس بالضياع لما يمشى حسب خطة المجتمع المرسومة ليه لما يمشى حسب لما الناس تقوله وحسب لما غيره يشور علي
جايز إنه المشورة مفيدة لكن مشكلتنا إننا مش بنشور فى حاجة وإحنا فاهمين إلا إننا بنفتى فى إى حاجة وإحنا مش فاهمين حاجة أصلا !! وعك ربك يفك !!
إسأل أى حد لما دخلت ثانوى وقررت تدخل علمى ولا آدبى هيقولك إنى إختارت علمى لأنى عايز أدخل كلية قمة وأبقى دكتور عشان الناس هتقول عليه دكتور مش مهم هو نفسه حابب المجال ده وهو ده هدفه ولاهوعايز يدخل المجال ده لأن الناس هما الى قالوله إن ده الصح وإنك كده تبقى ناجح وإنك تبقى فى كلية قمة ومش مهم بقى إنك حابب الشئ ده وهو الى إنت عايزه ولا لأ المهم الناس شايفاك كده ناجح ده حتى لو هتبقى دكتور فاشل زى ( على سبايسى ) وهى الحالة إيه اشتغلت !!!!!
ومن الناحية الآخرى الى يقولك أدخل آدبى أسهل وتجيب مجموع كبير وفى الآخر ماهو مفيش شغل ولما تيجى تدخل الكلية وتكتب الرغبات الكل يحط مناخيره فى الموضوع كأنه هو الى داخل الجامعة مش إنت والى يقولك خش اى حاجة اربع سنين وخلاص ورايح روحك خصوصا لو بنت اربع سنين يا اختى وخلاص وبعد كده تتجوزى وهى البنت ليها ايه فى الآخر غير بيت جوزها !!!!
والكلية ده فيها شغل وده لأ وفى الآخر لو مشيت وراهم تروح فى داهية وإذا كان فى شغل فى للكلية ده تتخرج تتنحس ومايبقاش فيها شغل على حظك !! وده آخرت الى يمشى ورا الناس !!!!!!!!!!
