زى ماثورنا على نظام فاسد نثور على الأخلاق الفاسدة بس يا خسارة لقينا الجرايم
زادت سرقة وخطف وعدينا التحرش وبقى خطف على طول و فى أحيان كثير بنلاقى
الناس الى اتخطفت ناس على قد حالها مهماش رجال اعمال ولا معاهم ملايين نلاقى
الى اتخطفت عشان فلوس الجمعية و الى اتخطف عشان يا خدوا فدية 70الف
وبالنسبة لظاهرة خطف البنات الى زادت بشكل كبيييييييييييير جدددددددددا ولازم
نحط تحت خطف البنات ميت خط خصوصا فى الصعيد الى الظاهرة وصلتله وطبعا
الأهل بيبقوا مطرييين يدفعوا الفدية وما يبلغوش البوليس عشان البنت ما يحصلهاش
حاجة ورغم كده بيبقوا شايفين ان العار جالهم والناس المتخلفة الى ما ورهاش غير
القيل والقال والى بيألفوا فى حكايات وروايات لازم يطلعوا ان البنت الى اتخطفت
ورجعت حصلها حاجة ويجزموا بكده وهما مايعرفوش حاجة ده غير ان بيمسكوا فى
فروتها فى كل حته ويحكوا حكيتها فى كل مكان وبرويات مختلفة عن الحقيقة فإن
أهلها سبوها عايشة خصوصا فى الصعيد
هتعيش طول حياتها فى أزمة نفسية يا ناس ارحموا ده اى بنى آدم سواء راجل أو ست مر بتجربة زى ده خصوصا لما يكون
طفل برئ ولا ست ضعيفة هيبقى محتاج لعلاج نفسى
تقدروا تقولولى البنت ولا الست الى ممكن تمر بتجربة مهببة زى ده فى ظل الفوضة
الى احنا عايشنها ده ممكن تتخطها ازاى حتى لو مرت بعلاج نفسى فى مجتمع زى ده
بيموت فى التهويل والأشاعات ومسك سير الناس
وفى النهاية بتمنى الأمان يرجع لبلدنا الحبيبة مصر ويارب محد يمر بالتجارب
القاسية ده وياريت الناس ترحم بعضها مايبوش هما والزمن والبلطجة والخطف
عليهم
ولازم نعرف إن الفساد زى ماهو فوق بيبقى تحت والفقر مش مبرر للحرام لكن الطمع
والجشع وموت الزمم والضمير هو الى بيدفع للفساد سواء غنى او فقير .
ليست هناك تعليقات:
إرسال تعليق