متحسبوش يا بنات إن الجواز راحة

خمسييييين فى واحد

مطلوب منها تبقى خمسييييييييييييييييين فى واحد تكنس وتطبخ وتمسح وتأكل العيال وتغير البامبرز وتحميهم وترضع وتكرع وتطبطب وتكوى وتغسل وتنشر وتغسل غيارات العيال والكوافيل وكل ده فى وقت واحد ALL in this time ومطلوب منها بعد كل هذا المحهود ده الى جانب شغلها طبعاً لو بتشتغل انها تكون على سنجة عشرة وبربرق طول الوقت مع عدم التقصير فى اى مهمة من المهام المقدسة المطلوبة منها طول الوقت لو قصرت او فكرت تقصر فى اى مهمة دون ان تكون على اكمل وجه تصبح مقصرة مهملة نكدية وطبعاً الزوج الملاك البرئ الحمل الوديع لا يقصر فى شئ هو يعمل ويكدح فليس مطلوب منه المساعدة فى شئ الرااااااجل راااجل لايكنس لا يمسح لا يفعل اى شئ مما كان يفعله بال ........ وهو عازب لما كان ساكن مع اصدقائه ايام الدراسة او فى الغربة او بعد امه ما ماتت الله يرحمهاااااااا 

الرااااااااااجل مش بس بكلمته الراااااااااااجل بشخته ونطرته

اه امال اييييه اول ما يتأخر الغدا عشان بتغير للعيال ايييييييه ياهانم انت مش عارفة انى برجع من الشغل جعان وناقص ياكلها مع انها رجعة من شغلها تعبانة وجعانة برده رجالة مفترية ( يقعدلكوا فى صحتكوا يا بعده ) لكن ازاااااااااى هتقولولى تقعد فى البيت ما هو لو أصلا مرتبه مكفى لآخر الشهر ما كنتش تشتغل تساعده وكمان بيتأمر طب كفى بيتك الأول يا منييييل على رأى المثل (أطبخى يا جارية كلف يا سيدى ) بصرف النظر عن المثل المهبب ده مش هما العيال ده عياله برده ما يشيل أمال الأبوة بالكلام طب ساعدها مش الجواز شركة ولا فتحينها سبيل ولا مؤسسة لا ولا الى يتأمر بحب الفطار فى السرير لييييييييييييييييييه لما تتكسح إن شاء الله تبقا تجيبهولك فى السرير
كانت الجارية الى جبتهالك الست الوالدة وتلاقيه ايام الست والدته كان بقوم زى ال ..........ويفطر على السفرة مع أخواته نقول اييييييييييييييييييه حسبى الله ونعم الوكيل يقعدلكوا فى صحتكوا وعافيتكوا بطلوا افترا واستهبااااااااااااااال حسبى الله ونعم الوكيل فى الى بفتروا علينا 

وختاماً متحسبوش يا بنات إن الجواز راحة دول رجالة مفترية وبقولها بصراااااااااااااااااحة